Pas një viti të kaluar jashtë transmetimit, ndarja e çmimeve Golden Globes do të rikthehet në NBC në janar të vitit 2023. Golden Globes nuk u transmetua nga NBC këtë vit pas akuzave për racizëm, seksizëm dhe konflikt interesi. Madje u raportua se ka mungesë diversiteti mes votuesve.
Pas vendimit për ndërprerje të transmetimit, NBC kërkonte reforma nga organizatorët e ceremonisë.
Këtë vit ceremonia u mbajt privatisht. Kjo ishte hera e parë nga viti 2008 që Golden Globes nuk u transmetua në asnjë televizion.
Golden Globes është eventi i dytë më i rëndësishëm pas Oscars dhe NBC e ka transmetuar këtë ngjarje që nga viti 1996./UBTNews/