Një fanellë e veshur nga ylli i basketbollit, Michael Jordan, gjatë një prej sezoneve më të famshme në karrierën e tij në NBA, pritet të arrijë deri në 5 milionë dollarë në ankand.
Jordan veshi fanellën e Chicago Bulls në ndeshjen 1 të finaleve të NBA-së në vitin 1998, dhe kjo do të jetë një nga vetëm dy fanellat e tij të veshura në një ndeshje finale që do të shfaqet ndonjëherë në ankand, sipas Sotheby’s.
Shtëpia e ankandeve e cilëson atë si “një nga artikujt më të rëndësishëm në karrierën e Michael Jordan”.
Vlerësimi prej 3-5 milionë dollarësh është më i larti ndonjëherë për një fanellë të Jordan apo ndonjë pjesë të kujtimeve të Jordan, njoftoi shtëpia e ankandit./UBTNews/