Ndihma e reperit Travis Scott për të paguar shpenzimet e funeralit të viktimave të koncertit të tij, “Astroworld”, është refuzuar nga gjysma e familjeve të viktimave.
Këtu përfshihet edhe familja e 9-vjeçarit Ezra Blount – më i riu nga dhjetë viktimat e koncertit që u mbajt në Teksas. Scott ofroi ndihmë javën e kaluar, pas padive të shumta mbi tragjedinë.
Një avokat i familjes së 14-vjeçarit, John Hilgert, e quajti këtë gjest “poshtërues”.
Koncerti u mbajt më 5 nëntor. Në atë festival ishin rreth 50 mijë pjesëmarrës. Dhjetë persona kanë vdekur. Më i moshuari ishte 27-vjeçar./UBTNews