Koncertet e këngëtarit të famshëm anglez dhe pianistit Elton John në American Airlines Center në Dallas janë anuluar, pasi ai rezultoi pozitiv me COVID-19. Sipas një njoftimi, John ishte paraparë të performonte në American Airlines Center në Dallas më 25 janar dhe 26 janar, por janë shtyrë datat e koncertit.
“Duam t’ju njoftojmë se datat e turneut “Farewell Yellow Brick Road” të parapara për të martën, 25 janar dhe të mërkurën, 26 janar janë shtyrë, për shkak se Elton rezultoi pozitiv me COVID-19 së fundmi. Fatmirësisht, Elton është i vaksinuar plotësisht, madje edhe me dozë përforcuese, dhe po përjeton simptoma të lehta. Fansat duhet t’i mbajnë biletat meqë ato iu vlejnë edhe në datat që do të riplanifikohen e për të cilat do të njoftoheni më vonë. Mezi po presim të kthehemi”, thuhet në njoftim.
Elton punoi shumë edhe gjatë periudhës së pandemisë. Ai lansoi një album, i titulluar “The Lockdown Sessions”./UBTNews