Elhada Dani publikon albumin e ri me pesë këngë të reja me klipe

Këngëtarja e njohur shqiptare, Elhaida Dani, i ka prezantuar publikut projektin e saj më të ri muzikor.

“Zanin” mban titullin albumi i saj i ri, që përfshin plot pesë këngë të reja të vizualizuara me klipe.

Këngët e albumit “Zanin” përfshijnë: “Jam Betu”, “Amore”, “Kënga Jonë”, “Hajmali” dhe kënga me të njëjtin titull si albumi.

Këngëtarja shqiptare e cila njihet si fituese e “The Voice of Italy” në vitin 2013 dhe reprezentuese e Shqipërisë në “Eurovision” në vitin 2015, e ka ndarë me gëzim në rrjetet sociale me fansat albumin e saj të ri.