Alla Pugacheva, e quajtur “Mbretëresha e muzikës pop sovjetike”, ka thënë se është në Izrael, tri javë pasi denoncoi luftën e presidentit rus, Vladimir Putin në Ukrainë.
“Falënderoj ushtrinë time shumëmilionëshe të fansave për dashurinë dhe mbështetjen e tyre, për aftësinë për të dalluar të vërtetën nga gënjeshtra”, tha Pugacheva, 73 vjeç, një ikonë sovjetike dhe më pas post-sovjetike, e cila është ndoshta gruaja më e famshme e Rusisë, në Instagram.
“Nga Toka e Shenjtë, lutem për ju dhe për paqe”, tha ajo.
Pugacheva është e njohur te të gjitha gjeneratat ruse për hitet sikurse kënga e vitit 1982, “Million Scarlet Roses” dhe filmi i vitit 1978, “The Woman Who Sings”./UBTNews/