Trajneri i Tottenhamit, Antonio Conte, u ka dhënë kundërpërgjigje të ashpër kritikëve pas humbjes së Tottenhamit kundër Arsenalit.
“Spurs” humbën ndeshjen e tyre të parë në Premier Ligë gjatë fundjavës ssë kaluar dhe tani janë gati të përballen me Eintracht Frankfurtin në Ligën e Kampionëve.
Gjatë konferencës së tij për shtyp para ndeshjes të hënën, Conte iu kundërpërgjigj kritikave, duke këmbëngulur se ai “mund t’u mësojë futbollin shumë njerëzve” dhe duke pretenduar fitoret e tij në Itali dhe Angli e dëshmojnë këtë.
“Edhe kur humbni edhe kur fitoni duhet të shpjegoheni, por për mua është e rëndësishme që të marrë nga lojtarët më të mirën në situata të ndryshme në bazë të karakteristikave të tyre, por si do që të jetë, ju mund të pranoni gjashtë, shtatë apo tetë gola. Në Angli këto ndodhin në shumë raste. Në karrierën time nuk ka ndodhur kurrë dhe mua nuk më pëlqen të luajmë shumë hapur dhe të lejojmë shumë hapësira dhe të pranojmë gjashtë, shtatë, tetë gola. Kam fituar në Anglin ë të kaluarën dhe mendoj që mund t’ua mësoj futbollin shumë njerëzve”, tha Conte.
Tottenhami ka një fitore dhe një humbje në dy të ndeshjet e Ligës së Kampionëve në kuadër të fazës së grupeve.