Reperi i njohur shqiptar, Capital T është në përgatitje të projektit të ri muzikor. Këtë e ka bërë të ditur përmes një postimi të shpërndarë me fansat në llogarinë e tij personale, Instagram.
Ai ka publikuar një pjesë të shkëputur nga klipi i ri dhe tregon se lansohet ditën e nesërme (e shtunë).
Protagoniste në videoklipin e artistit po ashtu është modelja nga Shqipëria, Nevina Shtylla, e cila njëherësh u zgjodh “Miss Shqipëria” në 2010.
“Buzëqeshje, nesër ora 17:00”, kanë qenë fjalët e reperit përkrah videos.
Reagimet në hapësirën për komente kanë qenë të menjëhershme, të cilët mezi po presin për prurjen e radhës të 29-vjeçarit.
Projekti i ri vjen pas “Magji” që e solli rreth një muaj më parë në bashkëpunim me Kiddën.