Disa ditë më parë u përfol për një lidhje mes babait transgjinor të Kylie dhe Kendall Jenner, Caitlyn Jenner, dhe modeles dhe analistes Sophia Hutchins. Fillimisht kjo zgjoi shumë komente, por menjëherë u hodh poshtë nga vet protagonistja Hutchins.
Në një deklaratë për revistën PEOPLE, Hutchins mohon që ajo dhe Jenner kanë një marrëdhënie romantike, duke shpjeguar se ajo dhe 71-vjeçarja, fituesja e medaljes së artë olimpike, kanë një “marrëdhënie familjare prindërore”.
“Unë nuk dua polemikë. Unë thjesht po përpiqem të jetoj jetën time. Caitlyn është si një prind për mua. Unë e kam thënë atë një milion herë. Një marrëdhënie familjare prindërore. Ndihem kaq e bekuar dhe e përulur që jam pjesë e një familje kaq të mahnitshme dhe që ajo sillet me mua si të jem bija e saj”, thotë Hutchins. “Ndihem e bekuar që jemi në gjendje të punojmë së bashku”, shtoi ajo.
Deklarata e Hutchins vjen pasi ajo postoi një fotografi (pamje nga ekrani) në Instagram Story duke treguar një postim të Twitterit që pretendonte se ajo dhe Jenner ishin “së bashku” për katër vjet. Në majë të pamjes së ekranit ajo shkroi: “Fake news! Jo lezbike!”
Ajo pastaj sqaroi deklaratat e saj më tej në një storie tjetër, duke shkruar, “Duajeni të gjithë komunitetin LGBT, por aq e lodhur nga thashethemet sa jam romantikisht me Caitlyn. Unë jam vetëm me meshkuj. Ndaloni thashethemet! Kanë kaluar vite”.
“Ne u takuam përmes stilistëve tanë. Ai po bënte flokët e mi një ditë dhe tha: “Unë do të shkojë në një fotosesion pas kësaj me Caitlyn dhe MAC, dhe Caitlyn do të donte t’ju takonte”, tha ajo në Heather McDonald’s podcast Juicy Scoop, vitin e kaluar./UBTNews