Bota do të festojë aktorin ikonik dhe artistin luftarak Bruce Lee në përvjetorin e tij të pesëdhjetë të vdekjes më 20 korrik 1973.
Por muaj para se të ndodhë kjo, një studim ka tronditur fansat e Lee në mbarë botën duke teorizuar se ai kishte vdekur nga konsumimi i tepërt i lëngjeve .
Studimi, i titulluar “Kush e vrau Bruce Lee? Hipoteza e hiponatriemisë”, u botua në edicionin e dhjetorit 2022 të revistës “Clinical Kidney Journal”. Autorët zbulojnë se Lee kishte vuajtur nga “faktorë të shumtë rreziku për hiponatriemi” dhe shtuan se “marrja kronike e lëngjeve” ka qenë përgjegjëse për ndikimin e funksionit të veshkave të tij.
Sipas studimit, ai mund të ketë vdekur për shkak se pinte ujë më shumë seç duhet. Ky është përfundimi në të cilin kanë dalë doktorët tani. Autopsia e Lee kishte treguar se ylli i Hollivudit vdiq si pasojë e ënjtjes së trurit, që kishte ardhur për shkak të qetësuesve që merrte.
Lee kishte vdekur në vitin 1973 pasi mori një qetësues të quajtur Equagesic. Besohej gjerësisht se ai kishte vdekur për shkak të një reagimi ndaj meprobamate, një përbërës i pranishëm në Equagesic. Deklarata zyrtare ishte se ikona e filmit kishte “vdiq nga fatkeqësia”.
Një sërë spekulimesh u ndezën kur lajmi për vdekjen e tij doli për herë të parë. Disa kishin hipotezuar se ai u vra nga triadat kineze, ndërsa të tjerë supozuan se kjo ishte një vrasje e planifikuar nga kundërshtarët e tij në industri.
Statusi i Lee në mesin e regjisorëve të filmit, si nga Lindja ashtu edhe nga Perëndimi, është rritur vetëm me kalimin e kohës. Regjisorët si Jackie Chan, John Woo dhe Quentin Tarantino e kanë përmendur Lee si një nga influencat kryesore në karrierën e tyre./UBTNews/