Bob Saget, komediani dhe aktori i njohur më së shumti nga audienca si Danny Tanner në sitcom-in “Full House”, është ndarë nga jeta në moshën 65-vjeçare, konfirmoi familja e tij në një deklaratë për CNN.
“Me dëshpërim ju konfirmojmë se Bob-i ynë i dashur ndërroi jetë sot”, tha familja Saget në deklaratë. “Ai ishte gjithçka për ne dhe duam që ju të dini se sa shumë i donte fansat e tij, duke performuar live dhe duke bashkuar njerëz nga të gjitha sferat e jetës përmes të qeshurave. Edhe pse kërkojmë privatësi në këtë moment, ju ftojmë të bashkoheni me ne për të kujtuar dashurinë dhe të qeshurën që Bob solli në botë.”
Saget u gjet i vdekur në një dhomë hoteli të dielën në Ritz-Carlton Orlando, Grande Lakes, sipas një deklarate nga Zyra e Sherifit të Orange County. Shkaku i vdekjes do të përcaktohet nga ekspertiza mjeko-ligjore.
Saget u bë i njohur falë rolin të tij në “Full House” dhe më pas si drejtues i “America’s Funniest Home Videos”. Gjithashtu emri i tij u njoh nga një brez i ri fansash si narratori dhe zëri i të ardhmes së Ted Mosby në “How I Met Your Mother”.
Gjatë karrierës së tij, Saget u vlerësua për komeditë e llojit stand-up. Gjithashtu albumi i tij i vitit 2015, “That’s What I’m Talkin’ About” u nominua për Grammy për albumin më të mirë komedi.
