Këngëtari dhe tekstshkruesi i mirënjohur amerikan, Bob Dylan është paditur nga një grua e cila thotë se ai abuzoi seksualisht me të në vitin 195, kur ajo ishte 12-vjeçare.
Në padi thuhet se Dylan “shfrytëzoi statusin e tij si muzikant për t’i ofruar asaj substanca narkotike e më pas edhe abuzoi me të seksualisht”. Abuzimi thuhet se ndodhi në apartamentin e Dylanit në New York.
Megjithatë këngëtari i mohoi akuzat, duke i quajtur “të pavërteta”. Padia u dorëzua të premten në Gjykatën Supreme të New York-ut.
Akuzuesja – e cila aktualisht jeton në shtetin e Konektikatit – identifikohet vetëm nga inicialet e saj, J.C. Ajo tha se këngëtari, 80-vjeçar, i kishte shkaktuar “dëmtim të rëndë psikologjik dhe trauma emocionale”.
Robert Allen Zimmerman apo siç njihet Bob Dylan – shiti më shumë se 125 milionë albume në gjithë botën përgjatë karrierës që zgjati gjashtë dekada.
Në vitin 2016, ai fitoi çmimin Nobel për Letërsi, duke u bërë tekstshkruesi i parë që fitoi këtë çmim prestigjioz./UBTNews