Superylli i popit, Beyonce theu rekordin për më së shumti pranim të çmimeve Grammy të dielën, por humbi sërish në kategorinë e albumit prestigjioz të vitit, këtë herë nga këngëtari britanik Harry Styles.
Beyonce shtoi edhe katër çmime Grammy në koleksionin e saj, duke e çuar totalin në 32 dhe duke tejkaluar numrin e Georg Solti. Ajo u nominua për nëntë çmime këtë vit.
Pavarësisht suksesit të saj ndër vite, këngëtarja 41-vjeçare nuk e ka fituar kurrë trofeun e albumit më të mirë me asnjë nga katër nominimet e saj në këtë kategori.
Pas pranimit të çmimit, ajo falënderoi fansat dhe familjen e saj për mbështetjen gjatë viteve.
“Po përpiqem të mos jem shumë emocionale. Po përpiqem ta pranoj këtë natë”, tha Beyonce. “Dua të falënderoj Zotin që më mbrojti. Faleminderit Zot”, u shpreh këngëtarja./UBTNews/