America Ferrera apo siç njihet gjerësisht sipas serisë së njohur ku kishte rolin kryesor “Beti e shëmtuar”, do të luajë bashkë me Margot Robbie dhe Ryan Gosling në filmin e ardhshëm Barbie të Warner Bros, film ky i përqendruar në linjën klasike të kukullave.
Greta Gerwig është regjisore dhe gjithashtu shkroi skenarin me Noah Baumbach, ndërsa Robbie luan personazhin Barbie dhe Gosling është në rolin e Ken. Sa i përket Ferreras, ende nuk ka asnjë informacion se kë do të portretizojë ajo.
Detajet e komplotit nuk dihen, por duke pasur parasysh historikun e Gerwig-ut si regjisore, mund të pritet që qëndrimi juaj tipik për historinë e kukullës të jetë më ndryshe, pasiqë filmat e saj nuk kanë dështuar asnjëherë, përcjell UBT News.
Ferrera gjithashtu do të bëjë debutimin e saj artistik si regjisore me një adaptim të romanit më të shitur të Erika Sánchez, “I Am Not Your Perfect Mexican Daughter”, me Sánchez që do të shërbejë si bashkëproducente në film./UBTNews/