A po bëhen më të zhurshme këmbanat e dasmës së dy yjeve?
Kjo po ndodhë, të paktën sipas ish-publicistit të këngëtares, Rob Shuter, i cili së fundmi zbuloi për Fox News detaje rreth çiftit dhe sa i lumtur është ai që ata vazhduan lidhjen e dikurshme, transmeton UBT News.
“Gjithmonë më dukej se dashuria e tyre nuk u largua kurrë. Unë isha me të duke shkruar deklaratën e tyre [fillestare] të ndarjes që bëri xhiron e botës – e shkrova atë deklaratë. Dhe kur po e shkruaja, u ndjeva shumë i trishtuar”, tha ai.
“Para se të shtypja ‘send’, ndjeva këtë moment të vërtetë trishtimi, sepse ndjeva se këta të dy ishin të bërë për njëri-tjetrin. Besoj se ata kishin dashurinë e duhur, por ishte koha e gabuar. Kishte gjithmonë diçka të veçantë tek ata. Kështu që unë jam shumë i lumtur që ata janë rikthyer bashkë”, shtoi Shuter.
Rob tha se koha ka ndryshuar dhe presioni që të dy superyjet përjetuan në fillim të vitit 2000 nuk është i njëjtë tani, përcjell UBT News.
“Kur ata ishin bashkë, ata ishin në çdo kopertinë të çdo reviste të madhe, javë pas jave”, tha ai. “Por kjo nuk ndodhë tani. Publiku është ende i interesuar për ata, por mediat botërore kanë ndryshuar. Njerëzit tani po konsumojnë lajmet në internet. I njëjti presion nuk është aty. Nuk është aq i rrezikshëm. Kështu që ata mund të kënaqen”.
Ai tha se Jennifer Lopez e ka me shumë seriozitet këtë lidhje, për shkak të disa elementeve.
“Jennifer nuk do të na lejonte t’i shihnim ata të ecnin së bashku në park ose në tapetin e kuq nëse nuk do të shihte një të ardhme. Ata mund të ishin takuar në heshtje, të dilnin në krah dhe të argëtoheshin së bashku. Bota nuk do të dinte kurrë për të. Por fakti që ata po na lejojnë ta shohim këtë më tregon se është serioze”./UBTNews/