Kryeministri i Shqipërisë, Edi Rama, ndau sot në rrjetet sociale momente nga puna për ndërtimin e kësaj baze, e cilësuar si një investim strategjik si për sigurinë tonë kombëtare, ashtu edhe për atë rajonale.
Rama tha se “në kantierin e bazës ajrore të NATO-s në Kuçovë janë krijuar 400 vende pune e ku punimet po ecin me ritëm të lartë”.
Baza e Kuçovës jo vetëm do të rikthejë lavdinë e dikurshme të atij aeroporti, por do jetë edhe baza e parë e NATO-s në Ballkanin Perëndimor.
Investimi prej 50 milionë euro në bazën ajrore të Kuçovës mundëson transformimin e kësaj hapësire në një aeroport ushtarak me standardet e NATO-s. Ky investim do të krijojë mundësi të reja për zhvillim ekonomik e social të gjithë kësaj zone, ku ndërtimi i një baze ajrore të teknologjisë së fundit, jo vetëm do të thotë më shumë punësim, por edhe më shumë ekonomi e konsum në një rreze të caktuar rreth saj./ATSH