Kryeministri i Shqipërisë, Edi Rama ka publikuar videon 100 sekondëshe të presidentit të Ukrainës Volodymyr Zelensky.
Shihni videon: https://fb.watch/bXWlgUxRgs/
“Ne do të fitojmë! Dhe do të ketë shtëpi të reja. Do të ketë qytete të reja, do të ketë ëndrra të reja. Do të ketë një histori të re”, thuhet ndër të tjera në video.
“MIRËMËNGJES, dhe me këto 100 sekonda që nuk duhen humbur, ju uroj një ditë të mbarë”, shprehet Rama.
“Ishte” veç një folje, thjesht një pjesë ligjërate e përdorur në jetën e përditshme po nuk është kaq e thjeshtë për ne sepse tani ukrainasit e çdo dite nuk thonë dot thjesht “ishte” pa shpërthyer në lot. Kjo ishte shtëpia ime. Ky ishte miku im. Ky ishte qeni im. Kjo ishte makina ime. Ky ishte vendi im i punës. Dhe ky ishte im atë. “Baba, baba”. Dhe kjo ishte vajza ime.
Miliona e miliona plagë të hapura që kullojnë gjak… “Mallkuar qoftë kjo luftë!”
Rusia e ka mbytur Ukrainën në gjak, lotë dhe kufoma fëmijësh.
Por ka një gjë që Rusia nuk e kupton, fjalën “ishte”, në atë çka përshkruan jetën e saj dhe ne, ukrainasit e dimë tashmë se ç’vjen më pas. Ne do të fitojmë!
Dhe do të ketë shtëpi të reja. Do të ketë qytete të reja, do të ketë ëndrra të reja. Do të ketë një histori të re. Nuk ka dyshim, do të ketë.
Dhe ata që humbëm, do të përkujtohen.
Dhe do të këndojmë edhe njëherë, e do të festojmë edhe njëherë.
Po, Ukraina ishte e bukur, por tani do të bëhet e mrekullueshme.
Ukraina e mrekullueshme!”, thuhet në videon e publikuar.