Një zyrtar i qeverisë ruse tha sot se është “e vështirë” të zhvillohen negociata thelbësore me Shtetet e Bashkuara për një shkëmbim të mundshëm të të burgosures së yllit të WNBA, Brittney Griner.
“Këmbëngulja me të cilën administrata e SHBA-së … i quan ata që u dënuan nga ne me nene serioze dhe ata që presin përfundimin e hetimit, ‘të arrestuar’, pasqyron mosgatishmërinë e Uashingtonit për të perceptuar botën përreth nesh në mënyrë adekuate”, tha zv. Ministri i Jashtëm, Sergei Ryabkov, sipas agjencisë shtetërore të lajmeve TASS.
Uashingtoni po përpiqet ta bëjë të duket “sikur sistemi ligjor funksionon vetëm në Shtetet e Bashkuara” ndërsa qëllimisht mohon rezultatin e një “procesi normal gjyqësor” në vendet e tjera, shtoi Ryabkov.
“Në këtë sfond, është mjaft e vështirë të përfshihesh në një diskutim thelbësor të llojeve të ndryshme të shkëmbimeve”, tha Ryabkov kur u pyet për shkëmbimin e mundshëm të Viktor Bout të Rusisë, i cili aktualisht është i ndaluar në një burg amerikan./UBTNews/