Chelsea ka konfirmuar zyrtarisht zgjatjen e kontratës me trajnerin gjerman, Thomas Tuchel.
Tuchel u emërua trajner i Bluve në janar dhe udhëhoqi ekipin drejt ngjitjes në tabelën e Ligës Premier në një vend të katërt, duke siguruar kualifikimin në Ligën e Kampionëve për sezonin 2021/22, para se të kurorëzohej fituesit e kësaj gare.
Chelsea nën Tuchel gjithashtu arriti në finalen e Kupës FA ku një gol i vetëm Leicester City i mposhti, por suksesi në Ligën e Kampionëve ka befasuar të gjithë.
Pas këtyre rezultateve, Chelsea ka vendosur t’ia zgjasë kontratën Tuchelit deri në vitin 2024, pasi kishte kontratë vetëm edhe për sezonin e ardhshëm.
Është vet klubi anglez që e ka konfirmuar një gjë të tillë me kënaqësi në faqet e tyre zyrtare në internet.
“Klubi i Futbollit Chelsea është shumë i lumtur të konfirmojë që, pas triumfit tonë në Ligën e Kampionëve, kontrata e Thomas Tuchel është zgjatur me dy vjet, siç ishte rënë dakord kur ai u bashkua me klubin”, thuhet në njoftim.