Zvicra kërkon përjashtimin e zyrtarëve rusë dhe bjellorusë nga postet më të larta në federatat ndërkombëtare të sportit, sipas një letre nga ministrja zvicerane e Sportit dhe Mbrojtjes, Viola Amherd, drejtuar Komitetit Olimpik Ndërkombëtar (IOC).
Në funksion të luftës në Ukrainë, nuk mjafton më përjashtimi i sportistëve nga të dy vendet nga garat ndërkombëtare, thuhet në letër.
Disa shoqata sportive, duke përfshirë IOC, organin qeverisës të futbollit FIFA, organin qeverisës të futbollit evropian UEFA dhe Federatën Ndërkombëtare të Basketbollit (FIBA), kanë selitë e tyre në Zvicër.
Ato zakonisht organizohen si biznese private, por qeveria zvicerane beson se IOC mund të ushtrojë presion mbi shoqatat, si për shembull duke i kërcënuar se do t’i përjashtojë nga familja olimpike, sipas zëdhënësit të Zyrës Federale të Sportit./UBTNews/