Një zjarr ka rënë në një garazh në orët e para të mëngjesit në Tiranë dhe janë djegur katër automjete kurse janë lënduar tetë persona, të cilët kanë shkuar për trajtim në spital.
Ngjarja ka ndodhur në Unazë të Re, në rrugën “Aleksandri i Maqedonisë”.
Njoftimi i policisë:
Më datë 21.06.2022, në Unazë të Re, në rrugën “Aleksandri i Maqedonisë”, në orët e para të mëngjesit ka rënë zjarr në një garazh dhe janë djegur 4 automjete.
Si pasojë e zjarrit, janë dëmtuar lehtë dhe kanë shkuar për mjekim në spital shtetasit A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar. Grupi hetimor po punon për sqarimin e rrethanave të ngjarjes. /UBTNews/