Ashtu siç edhe ishte parashikuar në sondazhe, do të jetë Partia Liberale e Justin Trudeau ajo që do të formojë sërish qeverinë e re në Kanada.
Me këtë fitore, që erdhi pas një fushate elektorale shumë të vështirë, ku pati në disa raste dhe tensione, Trudeau fiton mandatin e kryeministrit për herë të tretë.
Lajmi u dha nga mediat kanadeze të cilat nënvizojnë se pavarësisht fitores, liberalët nuk kanë mazhorancën dhe për këtë arsye do t’iu nevojitet ndihma e partive të tjera për të miratuar ligje të rëndësishme./A2