Presidenti ukrainas, Volodymyr Zelensky tha të enjten se vendi i tij është gati për t’u bashkuar me NATO-n. Kështu deklaroi ai në Moldavi në samitin e Komunitetit Politik Evropian.
Dhjetra liderë nga e gjithë Evropa janë mbledhur për këtë samit, ku do të diskutojnë për çështjet e sigurisë dhe fushat e bashkëpunimit në të gjithë kontinentin.
“Ukraina është gati të jetë në NATO”, tha Zelensky, duke qëndruar përkrah presidentes moldave, Maia Sandu. “Ne jemi duke pritur [për] kur NATO do të jetë gati. Dhe unë mendoj se garancitë e sigurisë janë shumë të rëndësishme jo vetëm për Ukrainën, për fqinjët tanë, për Moldavinë – për shkak të Rusisë dhe agresionit të tyre në Ukrainë dhe agresionit të mundshëm për pjesën e tyre të Evropës”./UBTNews/