Presidenti ukrainas, Volodymyr Zelensky përshëndeti statusin e vendit të tij si kandidat për t’u anëtarësuar në Bashkimin Evropian si një pikë kthese në një video-adresa të publikuar të premten.
“Ukraina nuk është një urë, nuk është një jastëk midis Perëndimit dhe Rusisë, as një tampon midis Evropës dhe Azisë, as një sferë ndikimi, as një zonë gri, as një vend tranzit. Ukraina është një partner i së ardhmes i barabartë për të paktën 27 vende të BE-së, jo më një”vend i tretë, por do të bëhet anëtar i Bashkimit Evropian”, tha ai.
“Vendimi do të ndryshojë historinë. Ne nuk mund ta ndryshojmë gjeografinë. Rusia do të vazhdojë të jetë fqinji ynë. Por në këtë rast, historia e ka mposhtur gjeografinë“, tha lideri parlamentar, Ruslan Stefanchuk në video
Si vend kandidat, Ukraina ka perspektiva të reja, tha kryeministri Denys Shmyhal, me qasje në programet e reja të ndihmës financiare të BE-së.
Ai shprehu shpresat për investime dhe vende të reja pune.
“Që tani e tutje, shteti ynë jo vetëm që do të përvetësojë përvojën evropiane, por mund të ndikojë edhe në politikën industriale të Bashkimit Evropian”, tha ai, duke e përshëndetur procesin e integrimit të Ukrainës si të pakthyeshëm. /UBTNews/