Presidenti i Ukrainës, Volodymyr Zelenskyy, ka thënë në Twitter se 10 ndërtesa banimi janë dëmtuar në sulmin rus në Uman.
Ai tha gjithashtu se shtatë persona u vranë – një rritje me numrin e raportuar më parë.
Ndërkohë ministri i Punëve të Brendshme të Ukrainës, Ihor Klymenko ka dhënë më shumë detaje rreth sulmit.
Në një video në Telegram ai tha se sulmi me raketa ndodhi në orën 4:30 të mëngjesit dhe se një godinë e goditur ishte një bllok apartamentesh nëntëkatëshe. Hyrja e saj u “shkatërrua praktikisht”.
Aty jetonin rreth 109 njerëz, tha ai, me 46 apartamente – 27 prej tyre që u shkatërruan plotësisht.
Ka ende operacione të kërkim-shpëtimit, tha ai, duke shtuar: “Fajtorët do të dënohen”.
Dy persona vdiqën gjithashtu në një sulm me raketa ruse në Dnipro gjatë natës./UBTNews/