Arkeologët në Londër kanë njoftuar për zbulimin e mozaikut më të madh romak në gjysmë shekulli.
Mozaiku mendohet të ketë zbukuruar dyshemetë e një dhome ngrënieje romake dhe vendi ku ky mozaik ndodhet është afër Shard — ndërtesës më të lartë të kryeqytetit, afër urës së Londrës.
Arkeologët nga Muzeu i Arkeologjisë së Londrës (MOLA) zbuluan mozaikun në fillim të këtij muaji gjatë gërmimeve. Ky vend dikur shërbente si parkim makinash.
“Dhoma e ngrënies ku u gjet mozaiku mendohet të ketë qenë pjesë e një “mansio” romak ose “moteli” të lartë që ofron strehim dhe ambiente për ngrënie”, thuhet në njoftimin e ekipit.
Dekorimet dhe përmasat luksoze janë dëshmi se vetëm “zyrtarët e rangut të lartë dhe të ftuarit e tyre” mund të kenë qëndruar atje./UBTNews/