Addison Rae është hequr nga roli i saj jetëshkurtër si korrespondente e UFC, pas shumë reagimeve nga gazetarët profesionistë.
Ylli i TikTok mori kritika pasi ndau një postim në lidhje me ‘profesionin’ e saj të ri.
“Kam studiuar gazetari në kolegj për tre muaj të tërë për t’u përgatitur për këtë moment,” shkroi 20-vjeçarja, duke ndarë dy fotografi të saj “në punë”.
Titulli i’u referohej studimit në Universitetin Shtetëror të Luizianës për tre muaj para se ta linte për t’u përqëndruar në karrierën e saj si një influencere.
Sidoqoftë, shakaja nuk u prit mirë nga ‘veteranët’ e gazetarisë, të cilët e akuzuan atë për privilegj dhe për të zënë hapësirë ku një profesionist i ri do të duhej të ishte në vendin e saj.
Më pas u konfirmua Rae në të vërtetë nuk ishte një zyrtare e UFC dhe në vend të kësaj kishte kryer vetëm një intervistë të një luftëtari nga qyteti i saj i lindjes.
Rae ka qenë e përfshirë në polemika më parë, përfshirë rastin kur ajo u shfaq në shfaqjen e Jimmy Fallon për të demonstruar disa vallëzime virale në TikTok. Menjëherë u dëshmua se vallëzimet ishin krijuar nga valltaret me ngjyrë, ndërsa Rae i kishte kopjuar nga to.
Fallon më vonë ftoi krijuesit e vërtetë në shfaqjen e tij për të bërë vallëzimet vetë, ndërsa Rae tha se nuk ishte qëllimi i saj “të paraqiste lëvizjet e vallëzimit si të vetat”./UBTNews