Artistja e fundit që përfaqësoi Rusinë në Eurovision, para se vendi të skualifikohej nga konkurrimi, ka publikuar një këngë të re.
Singli, i titulluar “Standing Between Two Walls”, është një deklaratë për situatën aktuale për artistët dhe gratë në vend.
31-vjeçarja, e cila është një personazh publik në Rusi, vitin e kaluar u përfshi në lista të ndryshme artistësh të “ndaluar” dhe “të padëshiruar”, pas publikimit të këngës së saj “Soldier”, e cila mori një pozicion kundër luftës.
Ajo tha se puna për këngën e saj të fundit ishte momenti më i vështirë gjatë gjithë karrierës së saj.
“Kishte shumë dhimbje, frikë dhe pasiguri”, tha ajo.
“E shkrova këtë këngë me ndihmën e njerëzve të ndryshëm dhe kjo ishte një sfidë – të ruash unitetin, në mënyrë që kënga të ketë në fund kuptimin e të qenit i bashkuar”.
Ajo tha se kënga është për të thënë të vërtetën dhe për të luftuar për paqen dhe lirinë, pavarësisht nga kombësia juaj.
Manizha mori nënshtetësinë ruse pasi nëna e saj u zhvendos në vend pasi u arratis nga lufta civile në Taxhikistan. Për një kohë të gjatë, familja e saj ishte refugjatë në Rusi./UBTNews/
