Kur je i famshëm, nuk ndikojnë vetëm njohja dhe pasuria. Yjet e mëdhenj duhet të përballen rregullisht me presionin e shtypit dhe të përballojnë disi pasojat, si mungesa e hapësirës private dhe shqetësimi për reputacionin e tyre.
Për t’u çlodhur, disa të famshëm largohen nga qendra e jetës shoqërore.
Lindsay Lohan, Emiratet Arabe
Sipas yllit të “Mean Girls”, vëmendja e tepërt nga shtypi e shtyu atë të bënte ndryshime 7 vjet më parë. Ajo thotë se shpërngulja në Dubai i dha asaj një energji të re. Atje, ajo filloi një jetë të re pa telashe dhe thashetheme, dhe ajo është fokusuar në punën dhe idetë e saj.
Madonna, Portugali
Mbretëresha e pop-it kurrë s’ka jetuar në Los Angeles, ndonëse atë e shihni shpesh në tepihun e kuq të Hollywood-it. Në fillim të karrierës jetoi në New YOrk, pastaj kur u martua u zhvendos në Londër.
Në vitin 2017 ajo u largua nga Londra dhe u zhvendos në Lisbonë për ta përkrahur djalin e saj në karrierën e tij drejt futbollit. Ajo jeton në një rezidencë të shekullit të 18-të. Ka katër dhoma, shtatë banjo dhe një bujtinë.
Nicole Kidman, Australi
Nicole Kidman zgjodhi ajrin e pastër dhe qetësinë në vend të glamurit hollivudian. Në vitin 2008, ajo bleu një fermë në Australi ku jeton ende me familjen e saj.
George Clooney, Itali
Prej vitit 2002, aktori jeton në një vilë luksoze italiane. Ka 25 dhoma, një fushë tenisi, madje edhe një teatër të hapur. Clooney thotë se shpërngulja në Itali i ndryshoi krejtësisht jetën. Më në fund ai arriti të pushonte pak nga shtypi dhe vëmendja.
Julia Roberts, Australi
Në vitin 2021, ylli i Hollivudit u transferua në Australi. Aty do të xhirohej filmi “Ticket to Paradise”, film në të cilin ajo dhe George Clooney kanë rolet kryesore.
Për të bërë të mundur filmin, aktorët u transferuan në Sidnei së bashku me familjet e tyre. Ka zëra se Julia Roberts po mendon të blejë pronë atje.
Natalie Portman, Australi
Prodhimi i “Thor: Love and Thunder” po ndodh gjithashtu në Australi. Natalie Portman, e cila është në film në një nga rolet kryesore, u detyrua të paketonte valixhet dhe të shkonte në Australi. Edhe pse xhirimet kanë përfunduar, aktorja nuk po largohet nga Australia. Është në kërkim të një apartamenti për të jetuar atje për një kohë të gjatë.
Tina Turner, Zvicër
Tina Turner jeton në Zvicër që nga viti 1995. Ajo tha se vendimi i saj për t’u larguar nga Shtetet e Bashkuara të Amerikës ishte sepse audienca nga Evropa e bëri atë vërtet të famshme.
Shakira, Spanjë
Pasi u martua me futbollistin e Barcelonës, Gerard Pique, Shakira u zhvendos në Spanjë ku po jeton aktualisht.
Pamela Anderson, Kanadë
Pamela Anderson u kthye në Kanada ku u lind dhe u rrit. Ajo ka trashëguar një shtëpi nga gjyshja e saj. Aktores i pëlqen të ndajë detajet e rinovimit, kopshtarisë dhe aktiviteteve të tjera relaksuese.
Rihanna, Barbados
Rihanna përpiqet të mos e harrojë familjen e saj që jeton në Barbados. Para vitit 2013, ylli mori me qira një vend luksoz buzë bregut dhe më vonë e bleu atë. Tani ajo po planifikon të kalojë më shumë kohë në vendlindje.
Johnny Depp jetoi në Francë për pak kohë
As aktorit Johnny Depp nuk i pëlqen jeta në Hollywood. Atij i pëlqen natyra dhe ajri i freskët. Aktori gjeti një vend në një fshat të vogël në jug të Francës. Ai jetoi atje me një aktore dhe këngëtare franceze, Vanessa Chantal Paradis, deri në vitin 2012. Çifti u nda po atë vit. Tani vendi është në shitje./UBTNews