Ish trajneri i Arsenalit, Arsen Wenger është shprehur se nuk ishte penallti ajo për Anglinë.
Wenger tha se nuk e di se pse gjyqtari i ndeshjes nuk shkoi ta shoh vet një rast të tillë dhe se në raste si kjo, gjyqtari duhet të jetë absolutisht i sigurt.
“Nuk ishte penallti. Nuk e kuptoj pse në situata të tilla të VAR-it, gjyqtari nuk shkon ta shoh vet situatën në ekran. Në një moment si ky, ai duhet të jetë absolutisht i sigurt”, është shprehur Wenger.
Kujtojmë se , Anglia është kualifikuar në finale të EURO 2020, pasi që mposhti Danimarkën me rezultat 2-1, ku koha e rregullt përfundoi me rezultat 1-1 ndërsa në vazhdime gjyqtari i ndeshjes e akordoi një penallti për Anglinë që po vazhdon të jetë mjaftë e komentuar nga të gjithë.