Vinicius Junior ka zhvilluar 100 ndeshje për Real Madridin që nga ardhja e tij te Los Blancos në verën e vitit 2018, kur ai nënshkroi nga Flamengo për 45 milionë euro në moshën 18 vjeç.
Dy vjet e gjysmë më vonë, braziliani ka shënuar 12 gola për kampionët në fuqi të La Ligas, të fundit në barazimin 1-1 kundër Real Sociedad.
Duke marrë parasysh moshën e tij të re, Vinicius ka ende shumë hapësirë për përmirësim, megjithatë mbetet për t’u parë nëse ai do të arrijë të vendoset në formacionin startues të Real Madrid.
Sulmuesi brazilian pjesërisht i ka përmbushur pritjet sepse ai është një lloj lojtari tjetër, një futbollist rruge dhe aftësitë kryesore të tij mbyllen kur ai detyrohet të përshtatet me disa sisteme taktike.
Vinicius ofron një repertor shumë të ndryshëm në krahasim me shumicën dërrmuese të lojtarëve të rinj të La Liga, pasi ai është lojtari i cili do t’i japë përparësi kalimit të kundërshtarëve sesa kombinimit me shokët e tij të skuadrës.
Ai ka arritur t’i përshtatet jetës në Real Madrid dhe duket se është i përqendruar në objektivat e tij. Plus, ai ka arritur të shmangë polemikat jashtë fushe.