Një adresim i aktorit hollivudian Arnold Schwarzenegger drejtuar rusëve u bë trendi në Twitter të premten dhe ngjalli reagime të shumta.
Në të, Schwarzenegger paralajmëron rusët se ata po ushqehen me dezinformata rreth pushtimit rus të Ukrainës.
Duke iu drejtuar drejtpërdrejt presidentit rus Vladimir Putin, ai thotë: “Ju e nisët këtë luftë dhe ju mund ta ndalni atë”.
Postimi i tij është vlerësuar nga rusët që kundërshtojnë luftën në Ukrainë. Në një postim në Telegram, politikani i opozitës, Lev Shlosberg tha se ishte filmuar “me respekt ndaj nesh, popullit rus”.
Rusia ka thënë vazhdimisht se lufta në Ukrainë është një “operacion special” për të mbrojtur ukrainasit rusishtfolës. Por në videon e tij, Schwarzenegger tha se Kremlini gënjeu rusët kur tha se pushtimi kishte për qëllim “denazifikimin” e Ukrainës./UBTNews/