Lëvizja Vetëvendosje ka dalë partia fituese në zgjedhjet parlamentare që u mbajtën më 14 shkurt. Gjithsej kjo parti politike ka marrë 438 mijë e 334 vota apo 49.95% të votave.
Me këtë rast, ky subjekt politik ka falënderuar qytetarët e Kosovës brenda dhe jashtë vendit për mbështetjen.
“Falenderojmë qytetarët e Republikës së Kosovës brenda dhe jashtë vendit për mbështetjen e jashtëzakonshme! Falenderojmë vullnetarët për punën e madhe, Aktivistët për përpjekjet dhe angazhimin e palëkundur, dhe vëzhguesit e komisionerët, veçanërisht atyre që kanë vijuar punën edhe pas ditës së zgjedhjeve në Qendrën e numërimit”, thuhet në reagimin e VV-së.
Falenderojmë qytetarët e Republikës së Kosovës brenda dhe jashtë vendit për mbështetjen e jashtëzakonshme! Falenderojmë…
Posted by Lëvizja VETËVENDOSJE! on Thursday, March 4, 2021
Sipas këtyre rezultateve, VV-ja do të ketë 58 deputetë në Kuvendin e Kosovës, PDK-ja 19, LDK-ja 15 dhe AAK-ja 8./UBTNews