Disa vepra të hershme të një prej piktorëve më të njohur, Claude Monet, do të dalin në ankand nga shtëpia britanike e aksioneve Sotheby, dhe vlerësohet se do të arrijnë 50 milionë dollarë nga shitja.
Pesë pikturat, të cilat së bashku përshkruajnë kalimin e mjeshtrit francez në një stil më abstrakt gjatë një periudhe 15-vjeçare, do të dalin në ankand në Londër gjatë muajit mars, thuhet në njoftimin e Sotheby.
Të gjitha veprat datojnë para vitit 1900 — që do të thotë se ato ofrojnë një pasqyrë të zhvillimit dhe stilit të artistit përpara se ai të pikturonte pjesët më të famshme nga seria e tij “Zambakët e ujit” në fillim të shekullit të 20-të.
“Les Demoiselles de Giverny”, që vlerësohet të jetë me vlerë midis 25-27 milionë dollarë, përmban një nga motivet më të njohura dhe më të përsëritura të piktorit parizian./UBTNews