Ivana Trump, gruaja e parë e ish-presidentit amerikan, Donald Trump dhe nëna e tre fëmijëve të tij, ka vdekur në moshën 73-vjeçare.
“Ajo ishte një grua e mahnitshme, e bukur, e mrekullueshme, e cila bëri një jetë inspiruese”, shkroi Trump në platformën e tij, Truth Social.
Ajo lindi në Republikën Çeke. U martua me ish-presidentin Trump në vitin 1977. Ata u divorcuan 15 vjet më vonë, në vitin 1992. Kanë tre fëmijë bashkë – Donald Jr, Ivanka dhe Eric Trump.
Policia beson se shkaku i vdekjes së saj ishte aksidental, sipas Associated Press. Burimet i thanë agjencisë së lajmeve se ajo u gjet pa ndjenja pranë shkallëve në shtëpinë e saj në New York dhe besohet se ajo mund të jetë rrëzuar./UBTNews/