Vajza e aktorit të njohur, John Ventimiglia, ka ndërruar jetë. Nëna e Odeles, Belinda Cape, e ndau lajmin në një postim të fundit në Facebook, duke shkruar se ajo dhe familja e saj janë “zemërthyer” për humbjen e papritur.
“Zemërthyer që duhet të postoj njoftimin për funeralin e të dashurës sonë Odele. Motra e saj Lucinda dhe unë kemi qenë të tronditura nga mesazhet e mbështetjes dhe dashurisë që kemi marrë, dhe kujtimet tuaja se sa e dashur ishte Odele për kaq shumë njerëz”, shkroi Cape.
“Odele ishte shumë e dashur dhe lë një vrimë të madhe në jetën tonë”.
Motra e Odeles, Lucinda Ventimiglia, ndau gjithashtu një homazh për motrën e saj, duke shkruar, “Fjalët nuk do të mjaftojnë kurrë për të shprehur pikëllimin që po ndjejmë të gjithë. E doja shumë motrën time të vogël dhe do ta kaloj pjesën tjetër të jetës duke e kërkuar në çdo gjë”.
Shkaku i vdekjes së Odeles nuk është bërë i ditur.
Në vend të luleve, familja kërkoi që donacionet t’i jepeshin një GoFundMe që u krijua për të lehtësuar koston e shkollimit të ardhshëm të vajzës së vogël Odele, Shiloh. Qëllimi i mbledhjes së fondeve ishte 50,000 dollarë dhe tashmë po i afrohet 52,000 dollarëve.
Ish-bashkëylli i John “Sopranos”, Stevie Van Zandt dhe gruaja e tij, Maureen Van Zandt, dhuruan 500 dollarë për mbledhjen e fondeve dhe shprehën ngushëllimet e tyre./UBTNews/