Ka vdekur sot aktori i njohur i Teatrit Kombëtar të Kosovës, Enver Kaçaniku. Ministria e Kulturës, Rinisë dhe Sportit i ka shprehur ngushëllime familjes dhe kolegëve për humbjen e aktorit Kaçaniku.
“Sot vendi ynë ka humbur një njeri më vlera të larta. Ka ndërruar jetë aktori i Teatrit Kombëtar të Kosovës, Enver Kaçaniku. Ai në mesin e shumë shfaqjeve teatrale në të cilat mori pjesë, është njohur për rolet e tij në filmat “Migjeni” dhe “Si të vdiset. Ne u shprehim ngushëllime, familjes dhe kolegëve për këtë humbje.Aktorin z. Enver Kaçaniku dhe veprimtarinë e tij do ta kujtojmë dhe vlerësojmë gjithmonë”’, thuhet mes tjerash në postimin e MKRS-së.
Enver Kaçaniku u lind në vitin 1947 në Prizren. Ai ishte i njohur më shumë për filmat “Si të vdiset” dhe “Migjeni”./UBTNews
