Vanesa Bryant ka arritur marrëveshje me kompaninë Nike për veshmbathje në nderim të bashkëshortit të saj, legjendës së basketbollit, Kobe Bryant dhe vajzës së tyre.
Atletet e para që do të dalin në treg nën këtë partneritet do të jenë Kobe 6 Protro “Mambacita Sweet 16”, në nderim të Gigi Bryant. Të gjitha të ardhurat do të shkojnë për Fondacionin Sportiv Mamba dhe Mambacita.
Bryant dhe tetë persona të tjerë, përfshirë edhe vajza e tyre Gigi, vdiqën si pasojë e përplasjes së aeroplanit në Kaliforni. Ai ishte 41-vjeçar.
“Jam e lumtur të ju njoftoj se do të vazhdojmë partneritetin e bashkëshortit tim me Nike dhe presim me padurim të zgjerojmë ndikimin global të tij dhe Gigi duke ndarë linjën “Mamba Mentality” me atletët e rinj për brezat që do të vijnë”, tha Vanessa Bryant në një njoftim për shtyp.
Marrëveshja erdhi pothuajse gati një vit pasi skadoi ajo paraprake që e kishte Kobe Bryant me Nike, marrëveshje kjo që u nënshkrua në vitin 2003. Ajo ishte një nga sponsorizimet më të suksesshme në histori, duke ndihmuar kompanisë të forcojë pozicionin e saj në arenën e basketbollit. Pasi Bryant vdiq, Nike shiti veshjet dhe atletet e tij./UBTNews/