Aktivisti i burgosur rus kundër korrupsionit, Alexey Navalny e di se filmi i CNN-it mbi jetën e tij ka fituar një çmim Oscar, deklaroi vajza e tij të hënën.
“Po mund ta konfirmoj se ai e di që ka fituar një çmim Oscar. Është çmenduri ta thuash me zë të lartë, por e di se ai është tepër i lumtur”, deklaroi ajo.
“Navalny” fitoi në kategorinë dokumentari më i mirë në ceremoninë Academy Awards të së dielës. Filmi rrëfen rreth planeve për ta vrarë Navalnyn, një kritik i hapur i presidentit Vladimir Putin, i cili tani po vuan dënim nëntëvjeçar në një burg të sigurisë maksimale në lindje të Moskës.
Navalnaya tha se fitorja e çmimit Oscar është një realizim i punës së babait të saj dhe se të gjithë ata që “kanë luftuar kundër regjimit të Putinit nuk janë të padukshëm”./UBTNews/