Unaza e kurorës me ari, rubin dhe diamant, e reperit të ndjerë Tupac Shakur, u shit të martën mbi 1 milion dollarë në ankand, duke u bërë artifakti më i vlefshëm i ndonjë artisti të zhanrit hip-hop i shitur ndonjëherë në ankand, sipas Sotheby’s.
Unaza, e cila u dizenjua nga Shakur dhe të cilën e mbajti gjatë paraqitjes së tij të fundit publike në Video Music Awards (VMAs) në vitin 1996, u shit mbi tri herë më shumë sesa vlerësimi i shtëpisë së ankandit në New York.
Unaza ka mbishkrimin “Pac & Dada 1996”, një referencë për fejesën e tij me aktoren dhe modelen Kidada Jones (vajza e producentit amerikan, Quincy Jones).
Unaza u projektua gjatë disa muajve pasi reperi nënshkroi me Death Row Records pas një dënimi me burg prej të cilit kreu tetë muaj. Ajo u modelua sipas kurorave të mbretërve mesjetarë të Evropës në “një akt të vetëkurorëzimit”, tha kumbara e Shakurit, Yaasmyn Fula, e cila e solli unazën në ankand, sipas një njoftimi për shtyp të Sotheby’s./UBTNews/