Komanda e Forcave Ajrore të Ukrainës tha se ka rrëzuar 61 nga 71 raketa të lëshuara nga Rusia të premten, ndërsa sirenat e sulmit ajror u ndezën në të gjithë vendin më herët mes një serie sulmesh.
“Armiku sulmoi nga ajri duke përdorur tetë bombardues strategjikë Tu-95MS që lëshuan raketa Kh-101 dhe Kh-555 nga Volgodonsk dhe zona e Detit Kaspik”, tha Forcat Ajrore në një deklaratë. “Armiku sulmoi gjithashtu me raketa lundrimi me bazë deti të tipit Kalibr nga anijet në Detin e Zi”.
Ushtria e Ukrainës thotë se përveç kësaj, Rusia lëshoi rreth 35 raketa S-300 në qytetin jugor të Zaporizhzhia-s dhe në rajonin verilindor të Kharkiv.
Ushtria gjithashtu pretendoi se kishte rrëzuar pesë dronë Shahed të prodhuar nga Irani gjatë natës./UBTNews/