Kufizimet e hapësirës ajrore rreth qytetit rus të Shën Petersburgut janë hequr, njoftoi të martën agjencia shtetërore ruse e lajmeve, RIA.
Uebsajtet e gjurmimit të fluturimeve treguan se aeroplanët u ngritën përsëri nga aeroporti Pulkovo pasiqë operacionet ishin pezulluar.
Gjatë të martës, qeveria lokale tha se aeroporti nuk po pranonte asnjë fluturim deri në mesditë me kohën lokale.
Dhe agjencitë shtetërore ruse të lajmeve RIA dhe TASS raportuan se hapësira ajrore në një rreze prej 200 kilometrash (125 milje) të qytetit ishte mbyllur deri në orën 13:20 me kohën lokale.
Shërbimet e gjurmimit të fluturimeve treguan se fluturimet ktheheshin në aeroportin e tyre të nisjes.
Njoftimet erdhën pas raportimeve për një objekt të paidentifikuar në ajër, por autoritetet nuk e kanë konfirmuar arsyen e mbylljes./UBTNews/