Trajneri i Chelseat, Thomas Tuchel ishte i kënaqur me performancën e Mason Mount pas fitores së tyre në Ligën e Kampionëve ndaj Portos së mërkurën, me rezultat 2-0 në ndeshjen e parë çerekfinale të Ligës së Kampionëve.
Mount realizoi një gol dhe ishte çelësi i kësaj fitorje me një paraqitje shumë të mirë gjatë gjithë ndeshjes dhe kjo është vlerësuar lartë nga trajneri Thomas Tuchel.
“Nuk e di nëse Mount është lojtari më i mirë i ri në Angli, por ai është një lojtar me mentalitet shumë të fortë nga akademia jonë dhe shumë i rëndësishme për skuadrën tonë në një moshë kaq të re. Unë vetëm mund të them që ai ka mentalitetin e duhur si në stërvitje ashtu edhe në lojë. Është në rrugën e duhur drejt suksesit. Është i mirë me të dy këmbët dhe shumë i uritur për të mësuar. Nuk e di nëse është më i miri, nuk jam njeriu i duhur për të gjykuar këtë çështje.”, tha në fund Tuchel pas fitores ndaj Portos.