Tri shkolla fillore në shtetin e New York-ut ua kanë ndaluar nxënësve që për Halloween të veshin kostume nga seriali hit i Netflixit, “Squid Game”, nga frika se mund të nxisin dhunë.
Seriali “Squid Game” tregon se si 456 njerëz në një situatë të paqëndrueshme ekonomike konkurrojnë në lojëra shumë vdekjeprurëse të fëmijërisë për të fituar një çmim financiar që mund të ndryshojë jetën e tyre dhe të shkatërrojë plotësisht njerëzimin në këtë proces.
Përmbajtja e tij e tmerrshme ka bërë që shkollat t’u dërgojnë email prindërve për “mesazhet e dhunshme” të shfaqjes. Shkollat thonë se veshjet e “Squid Game” për evente shkollore do të ishin të papërshtatshme.
Shkollat në distriktin shkollor Fayetteville-Manlius të New Yorkut kanë dalë me udhëzime që ndalojnë këto kostume si dhe artikujt “që mund të interpretohen si armë”, tha për CBS News mbikëqyrësi i saj, Dr Craig Tice. Ai tha se nxënësit kishin rikrijuar skena nga seriali gjatë pushimit në shkollë dhe drejtorët kishin paralajmëruar prindërit se “lojërat që shfaqin dhunë nuk janë të përshtatshme për ta”.
Por ka prindër që janë kundër kësaj ndalese. Një grua tha për CBS se është vetëm një kostum.
Në Angli, mësuesit kanë paralajmëruar se fëmijët e moshës 6-vjeçare po sillen sikurse personazhet e serialit./UBTNews