Me vendim të kryeshefit ekzekutiv të ndërmarrjes Trepça, Faton Ahmeti, janë larguar përkohësisht nga puna katër udhëheqësit e terminalit doganor me inicialet B.N, M.Th., V.S. dhe M.ZH.
Vendimi është marrë në bazë të raportit dhe pas analizës së tij, në të cilin janë konstatuar shkelje të rënda të detyrave të punës, të përcaktuara me rregulloren për përgjegjësinë disiplinore dhe materiale më datë 30 korrik 2020, thuhet në një njoftim të kësaj ndërmarrjeje.
Trepça konfirmon përkushtimin e saj ndaj respektimit të rregullave të brendshme, transparencës dhe përgjegjësisë institucionale në të gjitha nivelet./ S.K/KP/