Tregu i punës i Kinës mbeti gjerësisht i qëndrueshëm në vitin 2022, treguan të dhënat nga Byroja Kombëtare e Statistikave të publikuara sot.
Specifikohet se gjithsej 12.06 milionë vende të reja pune u krijuan në zonat urbane vitin e kaluar, që tejkaloi objektivin vjetor prej 11 milionë, raporton Radio Ndërkombëtare e Kinës.
Kreu i Byrosë Kombëtare të Statistikave, Kang Ji, tha se kur bëhet fjalë për punësimin, Kina ka prezantuar një sërë masash efektive, me theks në grupet kryesore.
Sipas tij, për shkak të ringjalljes së epidemisë së virusit korona, ndërmarrjet e vogla dhe të mesme u përballën me vështirësi më të mëdha në vitin 2022, gjë që vështirësoi gjetjen e punës për grupet kryesore, veçanërisht të rinjtë, por tregu i punës së fundmi u rimëkëmb.
Të dhënat e Byrosë tregojnë se shkalla e papunësisë në zonat urbane në dhjetor të vitit të kaluar ishte 5.5 për qind, që është një rënie prej 0.2 për qind krahasuar me muajin e kaluar.
Kang deklaroi se numri i studentëve të diplomuar në Kinë vitin e kaluar arriti në 11.5 milionë dhe se kjo shkaktoi presion në tregun e punës në vend, por shprehu besimin se kjo sfidë do të tejkalohet.
“Me rimëkëmbjen e ekonomisë dhe rritjen e kërkesës për vende pune, numri i vendeve të punës pritet të rritet. Tregu i punës i Kinës do të përjetojë një përmirësim gjithëpërfshirës këtë vit”, beson Kang.