Presidenti ukrainas, Volodymyr Zelensky, përshëndeti një “fitore të shumëpritur” të martën pasi një gjykatë holandeze vendosi që një koleksion i objekteve arkeologjike nga gadishulli i diskutueshëm i Krimesë t’i kthehej Kievit, transmeton UBT News.
Udhëheqësi ukrainas tha se ai ishte“mirënjohës ndaj gjykatës për një vendim të drejtë”.
“Pas ‘arit skitian’, ne do ta kthejmë Krimenë”, shtoi ai.
Rusia aneksoi Krimenë në vitin 2014, pas revolucionit në Ukrainë që pa të rrëzuar ish presidentin dhe aleatin rus Viktor Janukoviç. Megjithatë, ky aneksim shihet si i paligjshëm nga shumica e botës, duke përfshirë edhe BE-në.
Krimea i kishte huazuar objektet kulturore muzeut Allard Pierson i cili gjendet në Amsterdam në vitin 2014, pak para aneksimit të gadishullit nga Rusia.
Koleksioni përbëhet nga 565 artikuj, sipas Ministrisë së Drejtësisë të Ukrainës./UBTNews/