Theo Hernandez ishte njëri nga lojtarët më të mirë në fushë në fitoren e Francës me rezultat 2-0 ndaj Marokut.
Kjo fitore ia hapi rrugën francezëve për të luajtur në finalen e Kampionatit Botëror, kundër Argjentinës.
Theo ishte realizues i golit të parë dhe pas ndeshjes e konsideroi si një mbrëmje të pabesueshme për suksesin e arritur.
“Një mbrëmje e pabesueshme, e dinim se ishte një ndeshje e vështirë, Maroku është një ekip i jashtëzakonshëm. Por ne fituam dhe tani duhet të mendojmë për finalen. Kemi pasur një muaj të jashtëzakonshëm dhe kemi punuar shumë për të arritur këtë, tani kemi kohë të rikuperohemi dhe të jemi 100% të dielën”, tha mbrojtësi i Milanit.
Në finale ndaj Argjentinës ai do të këtë përballë njëri nga lojtarët më të mirë në botë, Lionel Messin, për të cilin Theo tha se ai nuk është i rrezikshëm.
“Jo, por ne e dimë se Argjentina është një ekip i jashtëzakonshëm dhe ne duhet të jemi në maksimumin tonë”, shtoi ai.