Kreu i shtetit, Hashim Thaçi e ka dekoruar me “Medaljen Presidenciale të Meritave”, Haxhi Krasniqin, për promovimin e Kosovës në arenën ndërkombëtare dhe të arriturat e jashtëzakonshme në sport.
Krasniqi nesër do të mbajë një konferencë për media në Kosovë.
“Rrugëtimi im në sport nuk do ta kishte madhështinë që e ka pa juve. Gazetarë të dashur, faleminderit për gjithçka që keni bërë deri më sot për punën time.Rrugët tona nuk ndahen tani, madje besoj se do të punojmë fuqishëm në ngritjen e sportit e në krijimin e Majlindave, e Robinëve të ri.Andaj ju ftoj të gjithëve që me datë 15.10. në ora 11:00 të mbajmë një konferencë për media në Swiss Diamond Prishtinë.Le ti japim përgjigje të gjitha pyetjeve, le ta sjellim titullin në Prishtinë e amanetin në vend.”, ka shkruar Krasniqi mes tjerash në Facebook./UBTNews