Elon Musk zbuloi se Tesla do të lansojë “Robotaxi-n” e saj këtë verë. Miliarderi nuk dha më shumë detaje, porse njoftoi se data e lansimit do të jetë 8 gushti. Aksionet e Tesla-s u rritën më shumë se tre për qind në tregje pas postimit.
Musk është mburrur prej kohësh për punën që Tesla po bën në sistemet e saj që makinat elektrike të drejtohen vetë.
Modelet e Tesla-s me FSD (Full Self-Driving) “do të jenë mbinjerëzore në një shkallë të tillë sa do të duket e çuditshme në të ardhmen që njerëzit të ngasin makina, edhe kur janë të rraskapitur dhe të dehur!”, shkroi ai në një postim në X në muajin mars./UBTNews/